Si PS-ja dje në opozitë: PD premton anullim konçensionesh sapo të vijë në pushtet

Partia Demokratike pretendon se ka hije skandali, ose më saktë ka një skandal të  thelluar, anë atë që e quan “taksa 10-euroshe Rama” në Rrugën e Kombit.

“Thellohet skandali me taksën 10 euroshe, që Edi Rama ka vendosur mbi kurrizin e shqiptarëve për një kalim në ‘Rrugën e Kombit’. Përveçse një barrë e re mbi xhepat e qytetarët të lodhur e të varfëruar, fakte të reja tregojnë se kemi të bëjmë me një aferë të pastër korruptive”, tha në një dalje për mediat zëdhënësja e PD-së, Ina Zhupa.

Ppozita pretendon qeveria ka shkelur kriterin ligjor në tender, të cilin e kishte vendosur vet, e ku përcaktohej se firma më e favorizuar në garë do të ishte ajo që do kërkonte më pak fond rimbursimi nga qeveria.

Ndaj, zëdhënësja Zhupa theksoi se   “ndërkohë, Edi Rama shpalli fituese kompaninë turke, edhe pse ka kërkuar 600 mijë euro më shumë fond rimbursimi, sesa operatori tjetër në këtë garë. Taksa e re 10 euroshe e Edi Ramës ndaj shqiptarëve jo vetëm është e padrejtë, por është vendosur mbi një aferë ku është shkelur haptazi konkurrenca dhe ligji”.

Dhe ashtu siç PS-ja dje në opozitë, edhe PD-ja premtoi se do ta anullojë këtë koncension sa po të vijë në pushtet. /tesheshi.com/