Kryeministri në detyrë i Maqedonisë së Veriut dhe lideri i partisë së djathtë VMRO-DPMNE, Christian Mickoski u shfaq i papenduar në lidhje me mosnjohjen, a më saktë mospërmendjen e emrit të ri, sipas një marrëveshjeje të qeverisë së mëparshme me shtetin grek, realizuar nga dyshja Zaev-Tsipras.
I pyetur për të komentuar deklaratën e kryeministrit grek Kyriakos Mitsotakis, i cili tha së fundi e “Kryeministri i Maqedonisë së Veriut, nëse nga momenti i marrjes së detyrës, i përmbahet kësaj retorikë, do të jetë shumë e pakëndshme kur takohemi në samitin e NATO-s”, Christian Mickoski deklaroi se është duke u “përgatitur” dhe se “do të donte ta shihte këtë sfidë”.
“Jam duke u përgatitur. Jam një person që përgatitem dhe më pëlqejnë sfidat. Do të doja ta shihja edhe këtë sfidë. Qëndrimi im është i qartë dhe askush nuk duhet të ketë asnjë dyshim për këtë. Nëse në Evropë ka – dhe nuk mendoj se ka – politikanë evropianë që paraqiten si politikanë evropianë të shekullit të 21-të dhe kanë brenda tyre motive talebane dhe duan të rrezikojnë të drejtat e njeriut të garantuara nga shumë konventa ndërkombëtare, atëherë unë jam gati të përballem me ta ta. Më intereson të ndërtoj ura e jo t’i shemb, si dhe të flas me argumente. Jam gati të debatoj edhe me argumente edhe me fakte dhe këtë e bëj gjithë jetën, jo vetëm në Samitin e NATO-s. Kudo që të jetë, në Athinë, Shkup dhe Brukses”, tha Christian Mickoski në përgjigje të pyetjeve gazetareske.
Kështu, kryeministri i ri maqedonas po e tërbon rëndë homologun grek, që ashtu si nga Rama për çështjen “Beleri”, po sfidohet dhe nga një fqinj tjetër, mes të cilët kanë një mosmarrëveshje historike lidhur me emrin e shtetit apo vendit – Maqedoni. /tesheshi.com/
