Forcat okupuese izraelite shkatërruan një bllok të tërë apartamentesh prej 20 ndërtesash në kampin e refugjatëve Jenin në Bregun Perëndimor të pushtuar sot, të dielën. Kjo masë brutale nga ushtria izraelite erdhi pasi ushtria izraelite njoftoi se do të zgjeronte fushën e operacioneve të saj në Bregun Perëndimor verior për të përfshirë pesë fshatra të rinj.
https://twitter.com/i/status/1886080289857732723
Ushtria pushtuese njoftoi se kishte shkatërruar 20 ndërtesa në lagjen Al-Damj në kampin Jenin në Bregun Perëndimor verior.
Burimet lokale i thanë Al Jazeera-s se forcat pushtuese kishin vendosur sasi të mëdha eksplozivi në kamp për të prishur ndërtesat brenda tij, pasi fillimisht dëbuan banorët e kampit.
Forcat okupatore izraelite vazhdojnë agresionin e tyre brutal kundër Jenin-it dhe Tulkarm-it, dhe këtë mëngjes ata zgjeruan sulmet e tyre në Tubas në Bregun Perëndimor verior.
Që nga fillimi i agresionit, i cili ka zgjatur 13 ditë, kampi i refugjatëve Jenin dhe vendbanimet përreth kanë qenë dëshmitarë të bombardimeve dhe rrënimit të shtëpive palestineze.
Kryetari i bashkisë së Jenin-it Muhammad Jarrar tha për agjencinë e lajmeve Quds se ushtria okupuese shkatërroi plotësisht më shumë se 100 ndërtesa, përveç një numri të madh ndërtesash që u shkatërruan pjesërisht.
Që nga fillimi i agresionit në Jenin janë vrarë 25 palestinezë, ndërsa dhjetëra janë plagosur. /tesheshi.com/
