Autoritetet greke kanë këshilluar banorët e ishullit të Santorinit në Egje që të mbyllin shkollat të hënën, të shmangin dy porte të vogla dhe të përmbahen nga grumbullimi në ambiente të mbyllura pas rritjes së aktivitetit sizmik në zonë në ditët e fundit.
Një seri tërmetesh me magnitudë 4.3 ballë u regjistruan të premten dhe të shtunën në zonën midis ishujve vullkanikë të Santorinit dhe Amorgos, tha ministria e Mbrojtjes Civile të shtunën pasdite.
Ministria tha se aktiviteti nuk kishte lidhje me aktivitetin vullkanik, por ekspertët sugjeruan masa paraprake duke përfshirë mbylljen e shkollave më 3 shkurt.
Ata gjithashtu u kërkuan njerëzve që të mos afrohen ose të qëndrojnë në portin e vogël të Ammoudi dhe portin e Fira, i cili u shërben kryesisht anijeve turistike.
Sipas Institutit Gjeodinamik të Athinës, tërmetet me magnitudë 2.8 dhe 4.5 ballë goditën zonën të dielën në mëngjes, por nuk shkaktuan dëme.
Greqia ndodhet në disa çarje dhe përjeton tërmete të shpeshta. Santorini është një nga destinacionet turistike më të vizituara greke.
Një nga shpërthimet më të mëdha në histori, rreth vitit 1600 para Krishtit, formoi ishullin në formën e tij aktuale. Shpërthimi i fundit në zonë ndodhi në vitin 1950. /tesheshi.com/
