Në Sirinë qendrore, pothuajse sulme të njëkohshme u kryen në tre objekte shtetërore të naftës dhe gazit, tha ministria e naftës.
Televizioni shtetëror raportoi se sulmet me siguri janë kryer nga drone dhe kanë ndodhur në të njëjtën kohë.
Deri më tani, askush nuk ka marrë përgjegjësinë për sulmet, të cilat kishin në shënjestër një rafineri naft në qytetin e Homsit dhe dy uzinat e gazit natyror në pjesë të ndryshme të provincës Homs, raporton AP.
Ministria e naftës tha se sulmi dëmtoi disa nga njësitë e prodhimit në uzina.
Sipas një raporti të televizionit shtetëror, zjarri që shpërtheu në rafinerinë u vu shpejt nën kontroll.
Siria u përball me mungesat e karburantit në fillim të këtij viti për shkak të sanksioneve perëndimore që bllokojnë importet dhe për shkak se shumica e fushave të naftës kontrollohen nga luftëtarët kurdë në lindje të vendit.
Qyteti i Homsit dhe periferitë e tij janë kontrolluar plotësisht nga autoritetet siriane që nga viti 2017, por disa pjesë të provincës së Homs afër kufirit me Jordaninë mbesin në duar rebele. /tesheshi.com/
