Ka ndodhur ngjashëm si me Zërin e Amerikës. Tashmë është gjermania Bild ajo që ka publikuar së fundi një set të ri përgjimesh mes kryebashkiakut të Durrësit dhe Astrit Avdulajt, një prej Avdulajve të Shijakut arrestuar kohë më parë me dyshimet për afera trafiku.
Ditë më parë, Bild i kushtoi një artikull situatës në Shqipëri, por duke marrë vetëm dy referenca, qartësisht vetëm nga opozita, Ylli Manjanin nga LSI dhe Basir Çollakun, gazetar pranë opozitës.
Tashmë, ajo zgjedh të ripotencojë një përgjim, edhe pse me pjesë të reja, të cilin opozita e ka përdorur si “lëndë të parë” për kauzën e saj të protestave, duke nisur që nga djegia e mandateve.
Ngjashëm veproi dhe Zëri i Amerikës.
Kujtojmë që Dako, personazhi kryesor i tyre, nuk i ka mohuar aspak dhe ka thënë se nuk bëhet fjalë fare për blerje votash. Sipas tij, Avdulajt vërtet kanë qenë bashkëpunëtorët e tij në fushatë elektorale, por në ato kohë ata nuk kanë patur asnjë problem me drejtësinë.
Përgjimet janë përkthyer nga opozita si aferë për blerje votash, ndonëse mungon një përzgjedhje e frazave pikante që e përcjellin pastërtisht këtë bindje.
Dalja e përgjimeve nga Bild, që me siguri janë marrë nga Krimet e Rënda që e kanë dosje nën hetim, vjen në një kohë të rëndë acarimi politik. E gjithashtu vjen bash në ditën kur në Bruksel pritet të jipet sinjali i parëpër hapjen ose jo të negociatave me Shqipërinë. Kjo ndodh gjithashtu, në kohën kur kreu demokrat Basha ndodhet për një vizitë në Gjermani.
Pjesë nga përgjimet e dala në Bild:
Biseda e parë…
Astrit Avdylaj: A të ka zënë gjumi mbrëmë vëlla se ke takuar Ramën, keni ndjeur, jeni kënaqur?
Vangjush Dako: Hehehehe
Astrit Avdylaj: Ça bohet?
Vangjush Dako: Mirë, mirë…
Astrit Avdylaj: Nga je vëlla?
Vangjush Dako: Dëgjo
Astrit Avdylaj: Hë vëlla…
Vangjush Dako: Thuaj byrazerit unë po iki në Ishëm te ata çunat
Astrit Avdylaj: Jo pra tashi, pasi do ta lëmë më vonë, se jam tani me çunat (Vath Alla)
Vangjush Dako: Ku je ti?
Astrit Avdylaj: Këtej duke pritur Anin (Ani Dyrmishi drejtor i Hekurudhave). Ani do të vijë të takojë ty drejtori apo?
Vangjush Dako: Janë aty ata apo?
Astrit Avdylaj: Po, Vath Alla është këtu me mua direkt, drejtpërdrejt, live përballë në tavolinë po na dëgjon
Vangjush Dako: E mirë takohemi në Durrës atëherë…
Astrit Avdylaj: Jo, takohemi atje, e kemi lënë orarin atje, mbaroi, nga dreka se s’bën, të mbarojmë pak punë me Anin se tha do shkoj te bashkia, po e pres te hipoteka vëllai jot
Vangjush Dako: Mirë, mirë
Astrit Avdylaj: Hajt, të du fort vëllai jot
Biseda e dytë mes kryetarit të bashkisë së Shijakut dhe Astrit Avdylit 28 mars 2017
Astrit Avdyli: Alo?
Ardian Kokomani: He mo
Astrit Avdyli: Si je kryetar?
Ardian Kokomani: Si ke qenë ti?
Astrit Avdyli: Mirë faleminderit, ca po bon?
Ardian Kokomani: Jam akoma këtej, sa kemi mbaruar dhe po hamë drekë?
Astrit Avdyli: Mirë, po a e di pse të mora unë?
Ardian Kokomani: Po…
Astrit Avdyli: Nesër kemi një takim në orën 10:00 të mëngjesit
Ardian Kokomani: Po, po, të dëgjoj…
Astrit Avdyli: Unë, ti, Gjushi, Liri (Ilir Ndrazhi), vëllai i Lirit dhe ju, do të pimë një kafe nesër në orën 10:00, prandaj të kam marrë sot
Ardian Kokomani: Nesër në orën 10:00 është ceremoninë te pallati i Kulturës se është ceremonia se ka vdekur Niko Bespalla dhe takohemi atje.
Astrit Avdyli: Do takohemi te një kafe, do sjellim edhe Paparitin që të jemi nesër, a më kupton
Ardian Kokomani: Pa merak…
Astrit Avdyli: Edhe sot ato dhe po diskutonim, ishte dhe Juli. Kështu që e kupton? Është ai, por të jesh edhe ti, e kupton…po nuk ishte ti, a më kupton
Ardian Kokomani: Eeeee
Astrit Avdyli: Alo…ca më the?
Ardian Kokomani: Pa merak, se atje do të jem në Durrës se do të jem edhe në Durrës
Astrit Avdyli: Mirë, ngaqë do ashtu që të jesh edhe ti më këto, a më kupton
Ardian Kokomani: Po, po
Astrit Avdyli: Mirë, pra faleminderit
Ardian Kokomani: Hajt, hajt
Biseda e tretë mes Arjan Ndrazhi (vëllai i Ilir Ndrazhit) dhe Astrit Avdylit
Arjan Ndrazhi: Tio, s’ia çove si je?
Astrit Avdyli: Si ‘ia çove Arjan, mirë, mirë je?
Arjan Ndrazhi: Mirë, mirë
Astrit Avdyli: Ça bëhet?
Arjan Ndrazhi: Hiç mo mirë këtu me çunin, ti mirë je?
Astrit Avdyli: Mirë, mo, kalojmë, të mora e kanë thirrur gjë apo jo vëllain
Arjan Ndrazhi: Jo, morë ai thotë se do ta takohemi nesër, ka fol Juli, do rrimë nesër Ridin, Astrin dhe Julin dhe pastaj me Gjushin do të takohej për punë pune….si nga ana e punës
Astrit Avdyli: Ok, unë po pres nesër pasnesër, ne e kena në xhep dmth e a kupton vëllanë tat?
Arjan Ndrazhi: Po, po…
Astrit Avdyli: Po presim, ai më tha mua në 25, ishte edhe Eltoni aty, te vuri të 10-tin apo 11-tin i tha Eltonit (Elton Arbana)
Arjan Ndrazhi: Elton Arbanës aaa, epo mirë, mirë
Astrit Avdyli: Unë jam duke punuar këtu te lagja ime, nuk kam dalë njëherë në pazar, por jam duke takuar çdo njeri…
Arjan Ndrazhi: Ok, ok
Astrit Avdyli: E kam shumë shumë ashtu edhe duhet të jemi shumë të nderuar edhe nga ai sipër që duhet të na shohë me një kështu…Duhet ti japim një 10-çe me zero që edhe ai të habitet
Arjan Ndrazhi: Po, po e vërtetë…Bëji një telefon Julit mos të shkoni të pini një kafe te puna
Astrit Avdyli: Mirë, pra o rob Zoti
Arjan Ndrazhi: Ti e ke numrin e Julit?
Astrit Avdyli: Po e kam, i bëj vetë, hajd gjithë të mirat
Arjan Ndrazhi: Ia kalofsh mirë
/tesheshi.com/
