Lojtarët e Real Madridit ndeshjen e radhës do ta luajnë me një fanellë të re që u prezantua sot më 25 mars nga Adidas dhe klubi spanjoll.
Duke përzier elegancën dhe traditën, Y-3 dhe gama e re premium e Real Madrid bashkojnë modën dhe futbollin si kurrë më parë. Bëhet fjalë për një fanellë tërësisht vjollcë me dy trëndafila të vizatuar, por që pamja e fanellës i ka ndarë fansat pasi shumë prej tyre nuk janë të kënaqur. Real Madrid tradicionalisht luan me fanella të bardha, ndërsa të dytat dhe të tretat ishin kryesisht të zeza ose blu të errët.
Real Madridi do të veshë fanellën e re në ndeshjen e xhiros së 30-të të La Ligës në stadiumin “Santiago Bernabéu” kundër Athletic Bilbaos. Dueli mes Real Madrid dhe Athletic është caktuar të dielën e 31 marsit në orën 21:00.
Ky set është projektuar për skuadrën e meshkujve dhe femrave të Royal Club, ku fanella është bërë me teknologjinë HEAT.RDY që thith djersën në mënyrë që lojtarët të ndihen të thatë gjatë lojës, dhe sipas kompanisë gjermane Real Madrid ka një “histori dhe identitet të lidhur me ngjyrat vjollcë”.
Në fanellë ka edhe mbishkrimin “Y-3”, të firmosur nga stilisti i njohur Yohji Yamamoto, i cili i ka shtuar fanellës trëndafila, të cilët janë pjesë e kulturës japoneze. Seti i fanellave përfshin gjithashtu dy versione të fanellës së portierit – portokalli dhe të zezë.
Ende nuk është bërë i ditur çmimi, por pritet të kushtojë më shumë se 100 euro, çmim ky që është bërë i zakonshëm në elitën e lojërave. Koleksioni do të jetë i disponueshëm në mbarë botën më 27 mars përmes dyqanit online Adidas. /tesheshi.com/
