Fredi Beleri po e sheh konspirativisht tubimin e Ramës sot në Athiën me shqiptarët në Greqi, duke parë aty vetë një goditje ndaj helenizmit, sipas njeriut që luan fort me karta nacionaliste.
Fakt është që Rama e organizon tubimin e tij në të njëjtën ditë ku një vit më parë do arrestohej kryebashkiaku në tentativë i Himarës, por ai gjykon si nuk ka asnjë lloj asnjë konspiracion në këtë mes.
“Nuk shoh asnjë ndryshim midis rastit që ju referoni në Greqi dhe atyre të kryebashkiakëve dhe ministrave nga partia ime që janë dënuar, ndonjëherë për diçka më pak të rëndë se blerja e votës. Nuk ka asnjë arsye për t’iu referuar këtij rasti kur flas me komunitetin e madh shqiptar në Greqi”, tha Rama për median greke.
Ndërsa Beleri gjykon ndryshe nga burgu.
“Ai dëshiron të provokojë Greqinë, të bëjë një shfaqje force jashtë Shqipërisë dhe të ulë moralin e grekëve në rajon. Ai nuk do t’ia dalë. Askush nuk mund të luajë me krenarinë dhe dinjitetin e helenizmit”, shkruan Beleri.
Ndërsa Rama, sikur ta ketë lexuar këtë mesazh, tha për Kathimerinin:
“Po, ndoshta do t’u drejtohem grekëve, ndaj të cilëve kam vetëm respekt dhe ndjenja pozitive. Arsyetimi im këmbëngulës është se pse politika e deritanishme ka dështuar në ngritjen e marrëdhënieve ndërshtetërore në nivelin e mirë që janë marrëdhëniet e dy popujve. Kjo është një arsye thelbësore ndër të tjera pse e urrej nacionalizmin ballkanik dhe pse i konsideroj nacionalistët ballkanikë sharlatanë të pastër”, u shpreh kreu i qeverisë shqiptare. /tesheshi.com/
