Një artist indian përdori inteligjencën artificiale dhe krijoi imazhe të disa prej njerëzve më të pasur në planet, të cilët i veshi me lecka dhe i bëri të jetonin në lagje të varfëra.
Imazhet mahnitëse të krijuara nga artisti indian Gokul Pillai tregojnë portrete të Donald Trump, Elon Musk, Mark Zuckerberg, Warren Buffett, Bill Gates dhe Jeff Bezos si ‘miliarderë të varfër’.
Pillai tha për DailyMail.com se ai përdori programin e inteligjencës artificiale Midjourney për të krijuar portretet e tyre duke përdorur gjithashtu photoshop.
Frymëzimi i tij, tha ai, erdhi nga filmi klasik indian “Slumdog Millionaire” të cilin e pa përsëri. “Ishte shumë rastësi. Filmi zhvillohet në lagjet e varfra të Indisë dhe unë doja të bëja diçka të bazuar në këtë”, tha Pillai.
“Fjala “milioner” në titullin e filmit dhe ballafaqimi i saj me miliarderët aktualë, kështu filloi”.
Në kolazh fotografik, biznesmeni amerikan dhe bashkëthemeluesi i Microsoft, Bill Gates, 67 vjeç, shihet pa këmishë dhe i veshur vetëm me pantallona gri si thes, duke qëndruar jashtë një kasolle.
Imazhi i Gates pa para – ai është njeriu i katërt më i pasur në botë – sipas Bloomberg News, ka mbledhur më shumë se 10,000 pëlqime.
Ish-presidenti i 45-të i SHBA-së, Donald Trump, 76 vjeç, shfaqet gjithashtu si i varfër.
Biznesmeni miliarder indian Mukesh Ambani, 65 vjeç, me një bluzë të ndyrë të madhe dhe pantallona blu qëndron pranë një mase plehrash.
Pillai postoi imazhet e krijuara nga AI të premten duke pyetur ndjekësit e tij: “A më ka munguar dikush në listë?”
Pamjet që ai postoi u bënë virale, duke krijuar një stuhi në rrjetet sociale me një koment: “Kjo është epike”.
Artisti, i cili jeton në Mysore, Indi dhe ka më shumë se 36,000 ndjekës në Instagramin e tij, tha për DailyMail.com se ishte “i mbingarkuar nga përgjigjet”.
Kur u pyet se cili imazh ishte më i popullarizuari, ai tha: “Ndoshta Bill Gates. Është e vështirë të thuhet”.
Por ai shtoi se Mukesh Ambani, sipas mesazheve që ka marrë, “dukej më i varfëri”. /tesheshi.com/
