Pas dy vitesh dhe rreth 50 seancash, është dhënë së fundi vendimi për për 5 anëtarët e bandës “Shullazi”, përfshirë dhe vetë këtë të fundit. 14 vite burg për Emiljanon, 12 vite për Gilmando Danin, 10 vite për Indrit Qyqjan, 10 për Indrit Zelën, 9 vite për Blerim Shullazin. Ata u akuzuan për gjobëvënie dhe krijim të grupit të strukturuar kriminal.
Vendimi u lexua nga gjyqtari i Krimeve të Rënda Fran Prendi, i ndjekur dhe nga përfaqësues të Ambasadës Amerikane në Tiranë, të pranishëm në seancë.
Ndërkohë, avokati mbrojtësVladimir Meçe reagoi ashpër, duke paralajmëruar ankimim në Apel
“Vendimi është i padrejtë, do ta ankimojmë. Pati edhe akuza që ranë poshtë nga gjykata, por duhet të binin edhe këto akuzat e tjera. Vendimi nuk u dha i arsyetuar, u dha vetëm dispozitivi. Fatkeqësia e kësaj gjykate është që nuk i shpëton dot presionit. Të gjitha akuzat ishin të stisura”, tha avokati Meçe. /tesheshi.com/
