Ish-Presidenti i FilipineVE Benigno Aquino III ndërroi jetë të enjten pas një sëmundjeje të gjatë, Aquino, 61 vjeç, ishte presidenti i 15-të i këtij shteti aziatik dhe u pasua nga kreu aktual i shtetit Rodrigo Duterte.
Sipas ABS-CBN News, ai ka qenë në dializë për pesë muajt e fundit dhe pasi një ndërhyrje në zemër, raportuan media të tjera.
“Jam shumë i pikëlluar kur mësova se ish-Presidenti Benigno S. Aquino III ka ndërruar jetë. Unë e njihja atë si një njeri të mirë të shtyrë nga pasioni për t’i shërbyer popullit tonë”, tha gjyqtari i Gjykatës së Lartë Marvic Leonen në një deklaratë.
Merita dhe polemika
Zëdhënësi i Dutertes Harry Roque tha se kombi ishte “mirënjohës ndaj ish-presidentit për kontributin dhe shërbimin e tij ndaj shtetit”.
Ishte administrata e Akuinit që kundërshtoi Kinën dhe nisi një proces gjyqësor në Gjykatën Ndërkombëtare të Arbitrazhit në Hagë për mosmarrëveshjen në Detin e Kinës Jugore. Filipinet fituan gjyqin një muaj pasi Aquino la detyrën në 2016.
Gjatë mandatit të tij 6-vjeçar, Filipinet kanë parë rritje të qëndrueshme ekonomike, por janë përballur me shumë polemika, përfshirë akuzat për keqmenaxhim pas tajfunit “Haiyan” në 2013, i cili vrau më shumë se 6,000 njerëz. /tesheshi.com/
