Amerikani Charles “Chuck” Yeager, piloti i parë që thyeu pengesën e zërit, ka vdekur në moshën 97 vjeç, tha gruaja e tij, shkruan BBC.
“Eshtë me trishtim të madh që unë njoftoj se dashuria ime e jetës, Gjenerali Chuck Yeager, vdiq në orën 21:00,” shkroi Victoria Yeager.
Chuck Yeager bëri histori në 1947 pas fluturimit të tij me një aeroplan raketor eksperimental Bell X-1, gjatë së cilës ai u bë njeriu i parë që fluturoi më shpejt se shpejtësia e zërit.
Ai më vonë theu disa rekorde të tjera të shpejtësisë dhe lartësisë kur bëhet fjalë për fluturimet.
Me Bell X-1, ai fluturoi në një lartësi prej 12,000 metrash me një shpejtësi prej 1,066 km / orë.
Vetëm disa ditë para fluturimit historik, Yeager theu disa brinjë ndërsa po kalëronte.
Nga frika se mos fluturimi i tij do të ndalohej, ai shmangu mjekun në bazë dhe iu drejtua një veterineri lokal për ndihmë.
X-1 u emërua sipas gruas së tij “Glamorous Glennis” dhe tani është vendosur në Muzeun Smithsonian.
Kur Scott Crossfield vendosi një shpejtësi rekord prej Mach 2 në 2 mars, 1953, Yeager shpejt vendosi një rekord të ri – Mach 2.44.
RIP American Legend Chuck Yeager pic.twitter.com/N31g217akd
— Dan Scavino Jr.🇺🇸🦅 (@DanScavino) December 8, 2020
Me gradën gjeneralmajor, vitin e kaluar, në moshën 89-vjeçare, Yeager theu përsëri pengesën e zërit, duke fluturuar këtë herë në F-15 “Eagle”. /tesheshi.com/
