Shtëpia e Bardhë përsëri ka refuzuar thirrjet për të kërkuar ligjërisht veshjen e maska mbrojtëse në Shtetet e Bashkuara.
Shefi i shtabit të Shtëpisë së Bardhë, Mark Meadows tha për Fox News të hënën në mëngjes se presidenti beson se secili shtet duhet të marrë një vendim për veten e tij, raporton AP.
Ai shtoi se “sigurisht që nuk është e drejtë që një vendim i tillë të merret në nivelin e Shteteve të Bashkuara, por ne lejojmë që guvernatorët tanë lokalë dhe kryetarët e bashkive të punojnë vetë mbi të”.
Guvernatori demokrat i New Jersey-t, Phil Murphy, tha se ai do të donte një strategji kombëtare për të luftuar koronavirusin, përfshirë edhe mbajtjen e detyrueshme të maskave mbrojtëse.
Nënkryetari Mike Pence gjithashtu hodhi poshtë idenë e një urdhri për mbajtjen e detyrueshme të maskave në të gjithë vendin, duke thënë se kjo varet nga guvernatori dhe zyrtarët lokalë të shëndetit. /tesheshi.com/
