SHBA e konsiderojnë krizën e fundit të Gjirit si çështje të brendshme të vetë shteteve të përfshira në të.
Reagimi vjen pas Arabia Saudite paraqiti 13 kërkesa nga Katari, si kush për heqjen e sanksioneve, por që u konsideruan “të ashpra”, ndërsa Doha tha se ato ishin të papranueshme. Ndër kërkesat binte në sy dhe ajo për mbylljen e kanalit prestigjoz Al Jazzera.
Të gjitha shtetet arabe të përfshira në këto sanksione, me në krye Saudinë, kanë lidhje të ngushta me SHBA, por Departamenti Amerikan i Shtetit dhe Sekretari për Çështjet e Jashtme, Reks Tillerson nuk kanë dalë ende me ndonjë deklaratë zyrtare për 13 kërkesat e publikuara një ditë më parë.
Me gjuhën e zëdhënësit të Shtëpisë së Bardhë, Sean Spicer, është vendosur që kriza të trajtohet si “çështje e brendshme”
“Këtu janë përfshirë katër vende dhe ne besojmë se kjo është një çështje e brendshme që ata duhet ta zgjidhin midis njëri tjetrit”, tha zëdhënësi Spicer duke shtuar se: “nëse kemi mundësi t’i lehtësojmë bisedimet, do ta bëjmë këtë. Po ata duan dhe duhet t’i zgjidhin gjërat vetë ”. /tesheshi.com/
