Pas kritikave të shumta se lideri i LSDM-së po shfrytëzon shqiptarët vetëm për vota, ndërsa nga ana tjetër asnjë dokument, po edhe atë të programit të ri qeveritar nuk e prezantoi në shqip por vetëm në maqedonisht, ka reaguar anëtari shqiptar i kryesisë qendrore të LSDM-së, Edmond Ademi.
Sipas tij, programi qeveritar është në përgatitje e sipër nga organet partiake edhe në gjuhën shqipe dhe së shpejti do të kenë qasje gjithë qytetarët shqiptarë, për të parë atë si ofertë.
“Jemi në përgatitje e sipër të programit të ri qeveritar edhe në versionin e gjuhës shqipe, në mënyrë që të jetë i kuptueshëm edhe për shqiptarët, që në një numër të konsiderueshëm ia besuan votën LSDM-së”, ka thënë Edmond Ademi.
Me këtë veprim, duket se partia e Zaevit e nis dygjuhësinë nga vetja, duke e aplikuar më së pari si standart edhe në praktikat e saj politike. /tesheshi.com/
