Në Gjermani, shqiptarët janë të huajt që më pak i duan si punëtorë. Ky përfundim ka dalë nga një stusim i organizatës “VVZB”, Qendra Shkencore për Hulumtimet Shoqërore, në Berlin.
Kjo qendër krijoi disa kandidatë fiktivë të cilët ishin nënshtetas gjermanë, të lindur në vitin 1992, rritur dhe shkolluar në sistemin shkollor gjerman. Ajo që i dallonte ishte origjina e prindërve.
“Plot 6.000 aplikime fiktive u dërguan në vende të shpallura për 8 profesione të ndryshme, e të dhënat u analizuan në bazë të reagimeve apo mosreagimeve”, shkruan revista gjermane Der Spiegel.
Studimi thekson se “Konkurentët fiktivë me prejardhje shqiptare ishin më të diskriminuarit në tregun e punës në Gjermani. Konkurruesit me prindër gjermanë morën në 60% të rasteve përgjigje pozitive, ndërsa vetëm 51% e konkurruesve me prejardhje jogjermane morën përgjigje positive”.
Konkurentët me prejardhje nga Spanja kanë marrë deri në 73% reagime pozitive, duke kryesuar listën e diskriminimit pozitiv dhe duke ua kaluar madje edhe konkurruesve gjermanë. /tesheshi.com/
