Migjeni shkruante se “bukuria vret”.
Bora e mbrëmshme ka zbardhur gjithë vendin madje edhe bregdetin e Durrësit dhe që në mëngjes kanë nisur problemet me furnizim me energji dhe bllokime të shumë zonave.
Situata më e rënduar paraqitet në verilindje dhe juglindje. Akset rrugore Bulqizë-Peshkopi dhe Bulqizë-Burrel kalohen me zinxhirë me shumë vështirësi. Ura e Çerenecit-Klenjë është e bllokuar. Disa fshatra janë bllokuar dhe janë pa energji.
Probleme me qarkullimin ka edhe ne aksin Elbasan-Librazhd -Qafë Thanë. E bllokuar nga bora është njësia administrative Stëblevë, ku trashësia arrin 50 cm. Është bllokuar qarkullimi në kthesën e Murrashit, në rrugën Librazhd-Elbasan. Reshjet e borës në këto momente janë të përqendruara në verilindje dhe juglindje të vendit me intensitet të ulët.
Në mesditë, reshjet e borës do të ndërpriten, por do të ketë erë të ftohtë, që do të shkaktojë dallgëzim të fortë në bregdet deri në 8 ballë.
Pritet të ketë dhe rënie të ndjeshme të temperaturave në mesditë në zonat malore.
/tesheshi.com/
