Shqipëria nisi sot kontingjentin e parë të Forcave të Armatosura në Afganistan, i përbërë prej 40 trupash. Ata do të jenë pjesë e operacionit të NATO-s “Resolute Support Mission” në qytetin e Heratit, ndërsa ajo që ra në sy këtë herë, ishte prania e dy ushtarakeve femra pjesëmarrëse.
Përveç familjarëve, në ceremoninë e përcjelljes së trupave ishte edhe ministrja e Mbrojtjes, Mimi Kodheli e përfaqësues të tjerë të Forcave të Armatosura. Ajo tha se është dyfishuar prania e trupave ushatarake shqiptare në misionet e paqeruajtëse.
“5 ditë më parë nisëm një kontingjent në Kabul, sot nisëm një tjetër në Herat dhe Afganistan. Me nisjen e 40 trupave në operacionin e NATO-s “Resolute Support Mission” në Herat, ashtu siç pata premtuar, dyfishojmë praninë në Afganistan. Ndryshe nga herët e tjera, kësaj radhe marrin pjesë edhe 2 trimëresha, Natasha dhe Vangjelia. Nderoni atdheun dhe ardhshi të gjithë shëndoshë!”, u shpreh Kodheli.
Ky kontigjent do të shpërbejë për një periudhë 6-mujore në Komandën e Trajnim-Këshillimit dhe Ndihmës./tesheshi.com/
