Në dy pika doganore, në Kapshticë e Kakavijë, është rikthyer sistemi TIMS, i sulmuar një ditë më parë nga një sulm i radhës kibernetik, për të cilin qeveria tha se vjen sërish nga Irani.
Ndërkohë, në pikat e tjera kufitare sistemi vijon të jetë i bllokuar dhe për hyrjet dhe daljet nga vendi po përdoret regjistrimi manual, në letër.
Një ditë më parë, hakerat shënjestuar sistemin TIMS që shërben për regjistrimin e hyrje daljeve në pikat kufitare.
Menjëherë më pas u ndoq protokolli fikjes të sistemit në mënyrë për mos t’i dhënë mundësi avancimi hakerave, në marrjen nën kontroll të këtij sistemi, më i rëndësishmi për policinë shqiptare.
Tentativa për të vënë nën kontroll sistemin TIMS me qëllim final paralizimin e punës të policisë në pikat kufitare shqiptare ndodhi vetëm pak orë pasi Departamenti amerikan i Thesarit shpalli sanksione ndaj Ministrisë së Inteligjencës dhe Sigurisë iraniane dhe ministrit të saj, me akuzën ata se janë përgjegjës për sulmin kibernetik ndaj Shqipërisë. /tesheshi.com/
