Numri dy i Ministrisë së Brendshme, Elona Gjebrea, tha se ka një parapregatitje që nga muaji shtator për të përballuar një fluks të mundshëm refugjatësh sirianë që mund të hyjnë në territorin shqiptar.
“Shqipëria është e gatshme të përballet me një fluks emergjent. Qeveria shqiptare ka qëndrimin që e ka bërë me dije dhe kryeministrit në lidhje me këtë. Ne kemi marrë masa, e kemi thënë që nga muaji shtator se ne kemi një plan emergjent veprimi. Sigurisht nuk bëhet fjalë të kemi qendra të ngritura, por në rast emergjence do jemi të mobilizuar dhe organizuar. Situata është duke u ndjekur dhe sigurisht që masat shtrënguese përbëjnë rrezik për çdo vend që është fqinj me këto vende”, tha Gjebrea, z/ministre e Brendshme.
Tashmë pritet të shihet se çdo të ndodhë në terren. Siç ka njoftuar dhe tesheshi.com, një aradhë gazetarësh të huaj kanë udhëtuar drejt Bilishtit, aty ku flitet se do ketë një ardhje të një kontigjenti refugjatësh nga Greqia. /tesheshi.com
