Shqipëria e mbylli me një humbje dinjitoze aventurën e Europianit, duke u mundur minimalisht 1-0 nga Spanja, në një ndeshje ku dhe mund të shënonte në portën e iberikëve të frikshëm.
Por gjykuar me këmbë në tokë, si pjesëmarrje e dytë në një Europian, ku krahasimisht Sllovenia merr pjesë për herë të pestë dhe ende nuk ka fituar një ndeshje, rënë në një grup ferri, kuqezinjtë mund të thuhet se ia dolën të jenë dinjitozë me dy humbje minimaliste dhe një barazim. Dhe është fjala për barazim me Kroacinë, në majat e futbollit botëror prej një dekade, si dhe humbje me kampionët në fuqi të botës, si dhe me Spanjën, e cila është ndër ata skuadra që nuk ka mëshirë kurrë për ekipe modeste në faza eliminatoresh. Eshtë një skuadër madje që përgjatë gjithë historisë së vet kurrë nuk është sfiduar pabesueshëm nga ndonjë ekip modest. Ndaj, humbja minimaliste e Shqipërisë me Spanjën mund të quhet dhe një rezultat surprizë, parë në këndvështrim historik.
Tashmë Shqipëria ka tjetër objektiv të madh: Botërorin pas dy vitesh. Në Europian do jetë sërish, çështja tashmë është të jetë në Botëror. /tesheshi.com/
