Shqipëria i ka kërkuar Bashkimit Europian që të ndërhyjë me ndihma konkrete ekonomike e financiare për Ballkanin, që të mos lejojë rrëshqitjen e vendit dhe rajonit në pesimizëm dhe shpërthim të emigracionit.
Zv.ministrja e Jashtme e Shqipërisë, Odeta Barbullushi, gjatë një konference ndërkombëtare të zhvilluar në Tiranë për integrimin në BE, me iniciativën e një grupi organzatash të rëndësishme dhe Ministrië së Jashtme Shqiptare. Në këtë konferencë, ka dhënë një mesazh të rëndësishëm edhe Komisioneri i BE-së për Zgjerimin, Johanes Hann.
Zv, ministrja e Jashtme e Shqipërisë, Odeta Barbullushi, deklaroi se “vonesat e tejzgjatura të procesit të integrimit mund të krijojnë kushtet të favorshme për rritjen e mosbesimit dhe të sjellin pasoja negative. Ekziston rreziku i thellimit të hendekut. BE duhet të na ndihmojë duke promovuar një bashkëpunim më intensive. Konferenca Berlinit ka vënë në lëvizje një process të rëndësishëm por prespektiva europiane duhet të mbështetet me programe.
Paqja dhe stabiliteti nuk mund të tregohet pa një program ndihmash për të dhënë shpresa”.
Ndërkaq, Komisioneri i Bashkimit Europian, Johannes Hann, i cili ndërhyri në një videokonferencë, deklaroi se Bashkimi europian do të ndihmojë me fonde për disa projekte të rëndësishme infrastrukturore për të ndërlidhur vendet e Ballkanit Perëndimor. Por Hann i ka bërë thirrje Shqipërisë që të promovojë edhe më tutje bashkëpunimin rajonal dhe axhendat e integrimit. Edhe pse nuk e ka përmendur hapur, Hann ka nënkuptuar deklaratën e Kryeministrit Rama për bashkim me Kosovën.
“Investime infrastrukturore janë të nevojshme për të çuar përpara zhvillimet. Ndarja e objektivav të përbashkëta lehtëson punën në këtë drejtim. Ne do të mbështesim me fonde disa projekte ifrastrukturale”.
Në konferencën ndërkombëtare marrin pjesë figura të rëndësishme diplomatike dhe politike të Europës, si Hannes Swoboda, Wolfang Petrich, ish-ministri i jashtëm i Kosovës, Enver Hoxhaj etj.
/tesheshi.com/
