Partitë kosovare me qëllim të përfitimit të votave përveç përdorimit të resursve publike po shfrytëzojnë në masë të madhe edhe fëmijët në fushatën zgjedhore.
Në çdo tubim të madh që mbahet në komuna, është e pamundshme të mos shohësh fëmijë qoftë me flamuj në dorë apo duke dhuruar lule në momentin që politikanë të caktuar mbajnë fjalime.
Albert Krasniqi, përfaqësues të koalicioni të organizatave joqeverotare “Demokracia në Veprim” (DnV), në një konferencë për media ka tbërë të ditur se në gjashtë ditët e fushatës 2100 fëmijë kanë marrë pjesë në tubime të partive politike.
Kurse sa i përket shfrytëzimit të resurseve publike në fushatë, Krasniqi tha se PDK –ja dhe LDK-ja, kanë shfrytëzuar më së shumti veturat zyrtare.
Ndryshe, drejtoresha ekzekutive e koalicionit të organizatave joqeveritare për Mbrojtjen e Fëmijëve (KOMF), Donjeta Kelmendi, para fillimit të fushatës ka bërë apel tek institucionet vendore e posaçërisht tek subjektet politike, të cilat janë në fushatë elektorale për zgjedhjet e 11 qershorit 2017, që të mos i shfrytëzojnë fëmijët për aktivitetet e tyre zgjedhore, pork jo thirrje e saj ka hasur në vesh të shurdhër. /tesheshi.com/
