Që nga viti 2014 deri në fund të vitit të kaluar, përkatësisht për katër vjet, në Kosovë ka pasur rritje për 50 për qind të qytetarëve të prekur nga sëmundja e kancerit. Ky është alarmi që jepet nga drejtues të Klinikës së Onkologjisë në Prishtinë.
Në vitin 2014 numri i personave të prekur me kancer, të cilët ishin regjistruar në Institutin e Onkologjisë ishte 760.
Në vitin 2015 kjo shifër ishte rritur në 808, në vitin 2016 të prekur me kancer ishin 1.236 persona, ndërsa në vitin 2017 kishte 1.550 raste të reja të personave të prekur me kancer.
Drejtori i Klinikës së Onkologjisë, Ekrem Hyseni, ka thënë për “Zërin” se të prekurit nga kanceri janë kryesisht të moshës më të vjetër, ndonëse ka edhe të rinj.
Megjithatë, këto shifra mund të jenë edhe më të mëdha, pasi shumë pacientë kërkojnë shërim jashtë vendit, duke e anashkaluar Qendrën Klinike Universitare të Kosovës. /tesheshi.com/
