Policia Kufitare e Sarandës shpëtoi 7 pushues, të cilët po udhëtonin me një mjet lundrues nga Himara në Sarandë.
Mësohet se mjeti ka pësuar defekt teknik dhe kanë mbetur në det rreth 300 metra nga bregu i Bunecit.
Pas njoftim të marrë, shërbimet e Policisë Kufitare kanë shkuar në ndihmë të tyre dhe kanë bërë të mundur nxjerrjen në terren tokësor të A.L., 26 vjeç, S.V., 45 vjeç, C.C., 49 vjeç, M.E., 30 vjeç, të katërt banues në Suedi, si edhe L.K., 53 vjeç, banues në Itali, T.J., 48 vjeç, banues në Belgjikë sëbashku me V.Q., 55 vjeç, banues në Shqipëri.
Policia Kufitare ka transportuar për në Sarandë turistët, dhe më pas ka bërë të mundur nxjerrjen e mjetit lundrues tip gomone në bankinën e Bunecit.
Të 7 personat ndodhen në gjendje të mirë shëndetësore. /tesheshi.com/
