Shpëtim Idrizi po tenton që t’i imponohet parlamentit me krijimin e një komisioni të posaçëm për çështjen çame. Edhe njëherë, ai ka këmbëngulur që ligjvënësit shqiptarë të përfshihen në kauzën e tij dhe të partisë që përfaqson.
“Kemi ndërmarrë një hap parlamentar për krijimin e një komisioni të posaçëm për zbardhjen e çështjes çame, pra faktmbledhës me dokumente, historianë dëshmi, për të zbardhur nga pikëpamja historike dokumentare të gjithë çështjen e shqiptarëve të Çamërisë”.
…Brukseli stimulon që të dy qeveritë të flasin dhe të dialogojnë dhe për zgjidhjen e çështjes çame është i nevojshëm dhe për të shprehur vullnetin politik të gjithë forcave shqiptare që dhe Parlamenti të përfshihet në këtë çështje”, tha Idrizi.
Ai gjithashtu prek dhe çështjen e varrezava greke, duke i përdorur si arsye edhe për varreza çamësh.
“Ne kërkojmë as më shumë e as më pak respektimin me dinjitet të shqiptarëve të Çamërisë. Nuk mund të jenë dot më më të rëndësishëm ushtarët grekë të rënë brenda territorit të Shqipërisë se sa shqiptarët e Çamërisë, partizanë, apo fëmijë, pleq, gra që janë masakruar pikërisht nga ai që Greqia i ka ngritur përmendore dhe na kërkon ne ta shohim këtë gjë ndryshe ”, tha kreu i PDIU-së. /tesheshi.com/
