Donald Trump denoncoi sistemin e drejtësisë amerikane, duke thënë se është “i korruptuar” dhe është kthyer në “armë”. Në daljet e tij të para publike që nga aktakuza kundër tij nga gjyqësori federal, një zhvillim i paprecedentë për cilindo ish president të SHBA, ai pati një shpërthim.
Manjati i pasurive të paluajtshme përballet me 37 akuza për marrjen e mijëra dokumenteve, disa prej të cilave ishin të klasifikuara, kur u largua nga Shtëpia e Bardhë në vitin 2021, kur duhej t’i kishte dorëzuar ato në Arkivin Kombëtar dhe për refuzimin e kthimit të tyre.
Ndjekja penale e tij, e dyta në dy muaj, pas asaj që u ngrit kundër tij nga shteti i Neë York-ut në prill për mashtrim në kontabilitet, do të thotë se zgjedhjet presidenciale të vitit 2024 ka të ngjarë të jenë të ndryshme nga të tjerat.
Trump, i cili vazhdon të përsërisë se është viktimë e manipulimit politik, u shfaq dje në dy ngjarje republikane, fillimisht në Xhorxhia, më pas në Karolinën e Veriut, duke u sulmuar kundër atij që ai e quajti një sulm të padrejtë ndaj tij nga gjyqësori.
PRESIDENT TRUMP: “Biden is trying to jail his leading political opponent.” pic.twitter.com/5MXXC9hpjt
— Laura Loomer (@LauraLoomer) June 11, 2023
“Kemi të bëjmë me të çmendur të tërbuar”, tha ish-presidenti në Greensboro, Karolina e Veriut. “Kjo akuzë inekzistente kundër meje nga (…) Departamenti i Drejtësisë i administratës së Biden-it është ndër abuzimet më të tmerrshme të pushtetit në historinë e vendit tonë”, tha ai, duke përsëritur se drejtësia është kthyer në një armë politike.
“Prandaj e bëjnë, po të mos isha unë (kandidat i sërishëm presidencial) nuk do të kishte gjueti shtrigash, nuk do të kishte padi,” u tha ai ndjekësve të tij.
Dy paraqitjet e tij në fushatë erdhën vetëm tre ditë para se të paraqitet në gjykatën federale në Miami. Ai akuzohet se ka rrezikuar sigurinë kombëtare të SHBA-së, duke mbajtur në posedim dokumente të klasifikuara, përfshirë sekretet ushtarake dhe të dhënat bërthamore të vendit, pasi u largua nga Shtëpia e Bardhë. /tesheshi.com/
