Dy shpërthime të fuqishme kanë goditur mëngjesin e kësaj të marte aeroportin Zaventem në Bruksel.
Tym që ngrihet në qiell, njerëz që vrapojnë për t‘u larguar, dritare të thyera e tavane të rëna, kjo është panorama në aerportin kryesor ndërkombëtar të Belgjikës. Ende nuk ka një njoftim të saktë për viktimat, por thuhet që të jenë 12, ndërsa i madh është dhe numri i të plagosurve.
Një tjetër shpërthim raportohet të ketë ndodhur në një stacion metroje, pranë institucioneve të BE-së. Si aeroporti, ashtu dhe metrotë, janë mbyllur.
Ministria e Brendshme belge e ka çuar në nivelin më të lartë alarmin për terror. Një zyrtar i deklaroi transmetuesit publik belg se shpërthimet ishin një sulm, kurse Reuters lajmëroi për të shtëna para shpërthimeve.
Aeroporti Zaventem ndodhet 11 kilometra në verilindje të Brukselit. /tesheshi.com/
