Një varg shpërthimesh në një depo armatimi në lindje të Ukrainës i kanë detyruar autoritetet vendore të nisin largimin e njerëzve nga zona përreth.
Më se 20.000 është numri i atyre që po evakuohen prej shpërthimeve, të cilësuara si sabotazh nga zyrtarët ukrainas.
Raketa dhe armë artilerie janë mes mijëra tonë armatimeve që gjenden në këtë depo, në një bazë rreth 100 kilometra larg luftimeve ndaj separatistëve të mbështetur nga Rusia.
Municionet në këtë depo të madhe kanë shërbyer për të furnizuar njësitë ushtarake në zonën e konfliktit pranë Luhanskut dhe Donjeckit, njoftojnë agjencitë e lajmeve.
Hedhja e një pajisjeje shpërthyese nga një dron është një prej mundësive që po hetohen në përpjekje për të gjetur shkakun e shpërthimit. /tesheshi.com/
