Shpërthejnë videot në Snapchat, aplikacionin e krijuar për të shkëmbyer foto dhe mesazhe që përdoren por nuk ruhen e që më së tepërmi u dedikohet të rinjve. Sipas një komunikimi të shoqërisë së investitorëve të raportuar nga sajti Bloomberg, videot e shpërndara dhe të para në Snapchat janë dyfishuar brenda një viti, duke prekur kotën perj 10 miliard shikimesh në ditë. Në muajin shkurt ishin 8 miliard, po aq sa videot e para nëntorin e shkuar në rrjetin social Facebook.
Një vit më parë Snapchat numëronte 4 miliard video të para gjatë një ditë. Pjesa më e madhe e përdoruesve të Snapchat, siç raporton Bloomberg, përdorin këtë aplikacion për të bërë video dhe për t’i ndarë ato me të tjerët. Mbi një e treta e përdoruesve të përditshëm të aplikacionit krijojnë histori në të cilat shpërndajnë foto dhe video që ruhen për 24 orë në platformë dhe më pas fshihen automatikisht.
Është pikërisht ky funksion që ka bërë që Snapchat të lejë në hije Facebook. Rrjeti social i Mark Zuckerberg numëron gjithsej 650 milion përdorues, ndërsa sipas të dhënave të fundit, Snapchat numëron rreth gjysmë miliardi. /tesheshi.com/
