Ai nuk shtrihet në Siçili, as në Kalabri. Fshati më i varfër italian shtrihet në afërsi të liqenit të Luganos, vetëm një gjuajtje guri larg nga Zvicra. Në vitin e fundit, fshati me 178 banorë mori vetëm 5417 euro nga taksat. “Kjo nuk vlen për asgjë,” tha Ivan Puddu kryetari i Val Rezzo-s.
“Arsyeja e kësaj mizerjeje është se 60 banorë të saj punojnë në Zvicër dhe nuk i paguajnë taksa Italisë”, thotë ai më tej, shkruan blick.ch. Shtuar këtu faktin që edhe një pjesë e taksave shkon drejt Romës.
“Fshati i varfër nuk ka para për të paguar administratën, duke përfshirë këtu edhe elektriçistët, mjekët, muratorët”.
Kryetari Puddu ankohet se qendra në Romë, përkundër këtyre problemeve mendon se jemi të “pasur për shkak se punojmë në shtetin fqinj.
Fshati pa prift e mësues
Mjerimin në fshat e tregon edhe mbyllja e kishës. “Nuk ka më asnjë prift. Kemi 20 fëmijë, por s’mund të paguajmë as mësuesit. Andaj nxënësit i kemi dërguar në vendbanimet afër fshatrave tjerë,” thotë në fund Puddu.
Dalja nga kjo krizë për të ashtuquajturin fshatin më të varfër në Itali, mund të vijë nga investitorët ose turistët. Vetëm dhjetë kilometra larg fshatit janë vilat e të pasurve në liqenin përallor të Luganos. Kazermat e ushtrisë të lënë në mëshirën e fatit, mund të shfrytëzohen për hotele e motele.
Ata mund të blihen për 60.000 euro. Mjerimi i kësaj krahine nuk përfundon këtu. Pasi fshati i dytë më i varfër italian ndodhet aty pranë, Cavargna. Ngjashëm është edhe me fshatrat tjerë Cursolo-Orasso, Gurro dhe Falmenta. /tesheshi.com/
