Europiani vijon, por kjo nuk i penguar zyrtarët e UEFA-s ta kenë vëmendjen dhe te aktivitetet në rang klubesh.
Bëhet fjalë për turet paraeliminatore të Champions League-s, e ato të Europa League-s. Skënderbeu pret akoma të marrë vendimin përfundimtar nga CAS-i nëse do të lejohet të luajë në Europë apo jo, por edhe po qe se përgjigjja është pozitive, shorti nuk është shumë inkurajues.
Korçarët janë vënë përballë kampionëve të Hungarisë në turin e dytë paraeliminator të Champions League-s. Ferencvarosi është skuadra më e njohur hungareze, me një histori të mbushur plot me trofe të fituar. Ajo drejtohet aktualisht nga gjermani Thomas Doll.
Skënderbeu do ta luajë ndeshjen e parë në fushën e vet, mes datave 12 dhe 13 korrik, kurse takimi i kthimit do të jetë një javë më pas.
Nëse ndodh që dënimi i Skënderbeut të mbetet në fuqi, hungarezët do të kalojnë automatikisht në turin tjetër të aktivitetit.
Në Europa League marrin pjesë tre skuadra shqiptare. Në turin e parë paraeliminator, Partizani do të ndeshet me sllovakët e Sllovan Bratislava-s. Teuta do të ketë si kundërshtar kazakët e Kairat Almaty-së, kurse Kukësi do të ketë punë me malazezët e Rudar Pljevjla-s.
Takimet e para në Europa League do të zhvillohen më 30 qershor, e të kthimit më 7 korrik. /tesheshi.com/
