Me hedhjen e shortit të fazës së grupeve edhe dhjetë futbollistët shqiptarë që do luajnë në Ligën e Kampionëve kanë mësuar kundërshtarët  e tyre.  Më së shumti të vështirë do ta ketë Granit Xhaka i cili me skuadrën e tij Borusia Monchen Gladbach ndodhet në grupin e “ferrit” së bashku me Juventusin, Manchester Cityn dhe Sevillan.

Granit Xhaka ka folur menjëherë pas shortit, ku Borussia Monchengladbachu i tij bën pjesë në Grupin D të Ligës së Kampionëve.

“Është një short i vështirë sepse kemi në grup kundërshtarësh të fortë. Shpresoj që mund të bëhemi protagonistë në grupin tonë. Nuk jemi favoritë, por mund të bëjmë diçka të mirë në këtë grup”, deklaroi Xhaka.

Përballje shqiptarësh do kemi në grupin F, me ç’rast do takohen Pajtim Kasami me skuadrën e tij Olympiacos kundrejt Arian Ademit dhe Endri Çekiçit të cilët mbrojnë ngjyrat e Dinamos së Zagrebit. Por, ky grup nuk ka rezultuar aq me fat sa edhe takimi i shqiptarëve mes tyre, pasi ata do përballen me gjigantët europianë si Bayern Munich dhe Arsenal.

Vështirë do ta ketë edhe sulmuesi shqiptar Agon Mehmeti me skuadrën e tij Malmo, pasi në grupin A e presin skuadra me një rank më të lartë se suedezët sikurse Paris SG, Real Madrid apo Shakhtar Donekts.

Aspak të lehtë nuk do ta ketë futbollisti i lindur në Gostivar, Admir Mehmeti që me skuadrën e tij Bayer Leverkusen ndodhet në grupin E, me ç’rast do duhet t’i vizitojnë kampionët aktualë të Europës, Barcelonën. Gjithashtu ndeshje të vështirë do kenë edhe në udhëtim ndaj Romës, e diçka më pak ndaj bjellorusëve të Bate Borisov.

Fati i ka buzëqeshur Adnan Januzajt me skaudrën e tij Manchester United në grupin B, me ç’rast janë favoriti kryesor së bashku me PSV, ndërkohë që do ballafaqohen me CSKA Moskën dhe Ëolfsburgun.

Fat i mbarë edhe për qendërmbrojtësin Shkodran Mustafi që me Valencian ndodhen në grupin H, përballë rusëve të Zenitit, francezëve të Lyonit dhe belgëve të Gentit. /tesheshi.com/