Sekretari i Përgjithshëm i OKB-së, Ban Ki-moon paralajmëroi se ata që përdorin armë kimike në luftën civile në Siri do të përballen me pasojat. Me anë të një deklarate, Ban shprehu shqetësimin për njoftimet e vazhdueshme të përdorimit të armëve kimike në konfliktin sirian.
“Komuniteti ndërkombëtar ka përgjegjësinë të sjellë përpara Drejtësisë autorët e këtyre sulmeve dhe të sigurohet se armët kimike nuk do të përdoren më si mjet lufte”, tha ai.
Në fillim të muajit, Këshilli i Sigurimit të OKB-së miratoi një rezolutë ku i kërkon shefit të organizatës dhe agjencisë së OKB-së për ndalimin e armëve kimike të përcaktojnë autorësinë e sulmeve të raportuara në Siri.
Përdorimi i klorinës dhe kimikateve të tjera kimikesi armë në Siri është dokumentuar në raste të mëparshme.
Më herët, shefi i agjencisë humanitare të OKB-së, Stephen O’Brien apeloi Këshillin e Sigurimit të bëjë të pamundurën për të gjetur një zgjidhje politike për t’i dhënë fund konfliktit. /tesheshi.com/
