Një ish-bunker masiv nazist në Gjermani në Hamburg, i cili u konsiderua shumë kompleks për t’u shkatërruar, është shndërruar në një kompleks hotelesh luksoz të mbushur me restorante, një sallë koncertesh dhe një tarracë në çati.
Një strukturë pesëkatëshe në St. Pauli u ngrit mbi qytet për dekada si një nga bunkerët më të mëdhenj në botë, me një histori të errët të lidhur me regjimin nazist.
Tani tarraca e saj gri prej betoni është e mbuluar me gjelbërim si pjesë e një projekti rinovues pesëvjeçar, prej 100 milionë dollarësh, i cili përfshin një hotel me 134 dhoma, një sallë koncertesh me 2,000 vende dhe një kopsht komunitar për banorët vendas, raporton AFP.
“Ideja e lartësisë së ndërtesës me gjelbërim ishte për të shtuar diçka paqësore dhe pozitive në këtë bllok masiv, të mbetur nga diktatura naziste”, tha Anita Engels nga shoqata lokale Hilldegarden.
Zyrtarët paralajmëruan se eksplozivët e nevojshëm për të shkatërruar bunkerin – i cili ka mure të jashtme më shumë se 2.4 metra të trasha dhe një tarracë prej betoni të përforcuar prej 11.5 këmbësh, do të përbënte një rrezik të madh për popullsinë e dendur aty.
Kompleksi në St. Paul strehoi deri në 25,000 civilë gjatë bombardimeve aleate në korrik 1943, të njohur si Operacioni Gomorrah, i cili çoi në shkatërrimin e qytetit të Hamburgut.
Pas luftës, bunkeri St. Pauli u përdor për të strehuar të pastrehët në Hamburg, përpara se të shndërrohej në vitet 1950 në hapësirë zyre për një qendër transmetimi televiziv dhe kompani reklamash.
Katet e poshtme përfundimisht u bënë vende për muzikantët dhe jetën e natës, ndërsa pjesët e tjera të bunkerit u përdorën për një stacion radioje.
Deri në vitin 2019, qyteti i Hamburgut dhe investitorët privatë nisën një projekt rinovimi për të transformuar plotësisht bunkerin – si pjesë e një procesi të ri “denazifikimi”, sipas faqes së internetit të pronës.
Propozimi vjen një vit pasi selia e Gestapos, policia sekrete naziste, u rihap si një hapësirë luksoze ku strehohen butikë, zyra dhe apartamente në Hamburg.
Ndërsa Gjermania dhe Austria vazhdojnë të përballen me çështjen e rinovimit të strukturave naziste për përdorim modern, St. Pauli do të përkujtojë të kaluarën e tij me një ekspozitë muzeale të vendosur në katin e parë.
Ndërkohë që po bëheshin rinovimet, shoqata e lagjes Hilldegarden mblodhi dëshmi nga njerëzit që jetonin në bunker gjatë luftës.
Shoqta gjeti gjithashtu regjistrime të atyre që u detyruan ta ndërtonin atë në vetëm 300 ditë, dhe historitë e tyre tani janë në dispozicion për t’u parë në vendin e ekspozitës.
