Presidenti i SHBA Joe Biden mbajti një fjalim në Konventën Kombëtare Demokratike në Çikago, ku partia do të mbështesë zëvendëspresidenten e tij Kamala Harris si kandidaten demokrate për zgjedhjet presidenciale të nëntorit.
Joe Biden u largua nga gara kundër republikanit dhe ish-presidentit Donald Trump disa javë më parë, pas presionit dhe shqetësimeve për shëndetin dhe aftësinë e tij për të shërbyer edhe katër vjet të tjera.
Ai mbajti një fjalim në konventën e Demokratëve dhe pasi publiku e duartrokiti në këmbë, Biden u shkreh në lot, me të bijën që u ngjit te ai në skenë.
Biden tha se ai nuk ka mendim të keq ndaj demokratëve të cilët kanë kërkuar që ai të largohet nga gara presidenciale 2024, ndërsa përsëriti mbështetjen e tij për Kamala Harris.
President Biden is wiping away tears even before his speech pic.twitter.com/g0OAOpaOtq
— Aaron Rupar (@atrupar) August 20, 2024
“E gjithë kjo bisedë se sa i zemëruar jam me të gjithë njerëzit që thanë se duhet të tërhiqem – kjo nuk është e vërtetë”, tha Biden, ndërsa turma brohoi “Ne të duam Joe”. “Unë e dua vendin tim më shumë dhe ne duhet të ruajmë demokracinë tonë. Amerikë, të dua,” shtoi ai.
