Akuza për shmangie të detyrimeve tatimore e ka ndjekur dhe Xabi Alonson, ish-futbollistin e Real Madridit dhe kombëtares spanjolle.
Prokurorët akuzojnë Alonson se ka mashtruar autoritetet tatimore në vlerë prej rreth 2 milion euro në periudhën nga 2010 deri në 2012, e për këtë kërkojnë dënimin me 5 vite burg.
Gjithashtu ata kërkuan që Alonso të paguajë gjobë prej 4 milionë euro. Dënim me burg, gjobë dhe kompensimin u kërkua dhe për këshilltarin ligjor të tij; por që të dy e mohuan fajin.
Para Alonsos, akuzat për evasion fiskal i kanë ndjekur dhe emra si Messi, Ronaldos, Modriç, Marcelo, Alexis Sanchez, Carvalho, Di Maria, Mascherano e Radamel Falcao, si dhe Jose Mourinho-n kur drejtonte Realin. /tesheshi.com/
