Bomba nr. 5 e liderit opozitarë Zoran Zaev, ka sjellë dëshmi për bisedën telefonike për të cilën thotë se zhvillohet mes kryeministrit Nikolla Gruevski dhe ministrit të transportit Mile Janakievski,në vitin 2011-të. Ata dëgjohen duke biseduar se si të rrënohet objekti “Cosmos” pronë e deputetit opozitar Fijat Canovskit. Ata merren vesh për ndryshime të planit urbanistik, që aty të ndërtohet një park. Sipas bisedës, Gruevski i jep instruksione Janakievskit që sa më shpejt të fillojë rrënimi.
Zaev tha se posedon dëshmi akoma më kompromituese për kryeministrin të cilat do t`i prezantojë ditët në vazhdim.“Do të dëgjoni në ditët e ardhme çfarë ka thënë Gruevski dhe si e ka shitur emrin dhe në çfarë rreziku e ka vendosur shtetin. Kemi dëshmi si janë bërë manipulimet më të mëdha në zgjedhjet e viteve të fundit”
Duke u përgjigjur në pyetje të gazetarëve, Zaev tha se nga materialet e përpunuara deri tani, kanë konstatuar se janë përgjuar së paku gjashtë ambasadorë.
“Bëhet fjalë për ambasadorë të vendeve më të rëndësishme. Të gjitha ambasadat janë të rëndësishme, mirëpo këtu bëhet fjalë për ambasadorët e vendeve më me ndikim”, tha Zaev. Ai u bëri apel prokurorëve që të tregojnë guxim dhe të largohen nga ndikimi i pushtetit.
Sakaq, Zoran Zaev shtoi se ‘bombat’ e tjera do jenë dhe partitë shqiptare apo maqedonase.“Do të publikojmë gjithçka që kemi, edhe për maqedonasit edhe për shqiptarët. Edhe për pushtetin maqedonas edhe për atë shqiptar. Edhe për opozitën maqedonase edhe për atë shqiptare”, theksoi Zaev. /tesheshi.com/
