“Dikujt mund mos t’i pëlqejë e vërteta, por ajo do të publikohet” – deklaroi lideri opozitar Zoran Zaev, gjatw publikimi tw “bombws” së radhës të përgjimeve, me anw tw sw cilws informoi opinionin për punën joligjore të zyrtarëve e cila do të dalë në shesh. “Disa herë e kemi porositur se gjithçka që është joetike në dëm të shtetit do ta shpalosim.
E vërteta nuk ka çmim. Ne po përgatisim popullin për atë që do të vjen, gjithçka do të publikohet. Ne do ta shpalosim të vërtetën pa dallim se ajo a do të prek politikanë maqedonas apo shqiptarë” – tha Zaev pasi më herët publikoi biseda telefonike për të cilat tha se janë bashkëbisedim mes kryeministrit Gruevski dhe ministrit për Transport Mile Janakievski, për truallin të cilin Gruevski tentonte ta blejë në pjesën elitë të Shkupit, duke ndryshuar planet detaje urbanistike. Një gjë binte në sy, ndërsa ky ishte fjalori i koduar të cilin e përdornin:
“Çka u bë me VT, atë që biseduam. Mbi linjën apo nën linjën. A është në maje, apo teposhtë”, dëgjohet duke thënë në disa vende zëri i Gruevskit.
“Është në të djathtë aty mbaron kanali”, përgjigjet zëri i Janakievskit duke kërkuar që më konkretisht të flasin kur të takohen.
