Si në çdo rast përgjatë historisë, edhe të enjten ka qenë një i huaj që ka bërë bashkë dy politikanë shqiptarë. Kjo ka ndodhur në Shkup, ku Ali Ahmeti dhe Menduh Thaçi, janë takuar mes vedi e zv.ndihmësekretarin shtetëror të SHBA-ve, Hojt Brajan Yee. Temë e bisedimeve, sipas Ahmetit, dhe Thaçit, ishin zhvillimet politike në vend, posaçërisht zgjedhjet e pritshme.
Kreu i BDI-së, Ahmeti pas takimit me diplomatin amerikan deklaroi që zgjedhjet nuk duhet të shtyhen, por ato do të mbahen më 5 qershor, sepse siç thotë ai zgjedhjet e ardhshme do të jenë më të monitoruarat në historinë e Maqedonisë së pavarur.
“U pajtuam që zgjedhjet duhet të jenë të besueshme, të përmbushura të gjitha standartet, të pakontestueshme as kombëtarisht as ndërkombëtarisht. Nuk është biseduar për të shtyrë zgjedhjet, është biseduar që të gjithë të kryejnë detyrat e veta që ju takojnë, nga partitë politike deri te KSHZ . Poashtu u dakorduam që partitë politike mos të ushtrojnë dhunë dhe frikë te votuesit. Mendoj se këto do të jenë zgjedhjet nga më të monitoruarat që janë zhvilluar deri më tani në Maqedoni”, deklaroi Ali Ahmeti.
Nga ana tjetër, kreu i PDSH-së, Menduh Thaçi, shprehu skepticizmin e tij sa i përket krijimit të kushteve të nevojshme për zgjedhje të lira dhe demokratike. Sipas Thaçit, javëve të fundit nuk ka pasur asnjë rezultat konkret nga bisedimet politike.
“Nga ana ime u shpreh skepticizmi se ne nuk kemi lëviz fatkeqësisht në çështjen e kushteve që kanë të bëjnë për zgjedhjet fer, korrekte dhe demokratike, dhe poashtu e sigurova diplomatin amerikan se ne do të vazhdojmë të japim kontributin tonë konstruktiv si Parti Demokratike Shqiptare drejt këtij procesi edhe pse shumë gjëra nuk na pëlqejnë dhe i gëlltisim. Por ajo kryesorja pse ne i bëjmë këto kompromise është se ne jemi skajshmërisht të përcaktuar që Maqedonia nuk ka rrugë tjetër dhe alternativë tjetër përveç NATO-s dhe Unionit Evropian”, ka deklaruar Menduh Thaqi.
Sa u përket tensioneve ndëretnike të shkaktuara kohëve të fundit, Thaçi tha se për këto çështje duhet që partitë në pushtet të zhvillojnë betejë poltike, me qëllim që të mos lejojnë hapsirë ku do të provokohen qytetarët.
Z/ndihmëssekretari amerikan i Shtetit, Brajan Hojt Yee, më vonë pritet të takojë presidentin e shtetit Gjorgje Ivanov, ndërsa të premten edhe krerët e partive maqedonase VMRO-DMNE-në dhe LSDM-në. /tesheshi.com/
