Ka reaguar së fundi dhe lideri i Partisë Demokratike të shqiptarëve të Maqedonisë Mendu Thacci, mbi aferën e rëndë të përgjimeve që po trondisin opinionin në vend. Tre javë pas nisjes së shpërthimit të “bombave”, që kanë për autor liderin e opozitës Zaev, Thaçi doli dhe deklaroi se ai se nuk do të ngrejë padi kundër drejtorit aktual të Drejtorisë për Siguri dhe Kundërzbulim, Sasho Mijallkov, pasi nuk u beson institucioneve të sistemit.
Thacci e apostrofoi veten si viktimë kryesore të përgjimeve nga viti ’93 deri sot, duke shtuar se në vitin 2008 kishte ngritur edhe padi penale kundër ish drejtorit të Drejtorisë për Zbulim dhe Kundër Zbulim, Zoran Verushevski, për përgjimin 15 vjeçar të tij dhe fëmijëve të tij.
Kërkesa e Thacit është ngritja e një komisioni hetimor parlamentar, ndërsa kërkon që partia e tij të drejtojë hetimin e kësaj çështjeje, pasi, siç tha ai, PDSH-ja asnjëherë nuk ka qenë e përfshirë si urdhëruese apo zbatuese e përgjimeve./tesheshi.com/