Opinioni korçar është tronditur pas lajmit se një tabelë e mermertë ku ishte shënuar se në atë godinë kishte funksionuar Mësonjëtorja e Parë Shqipe e Vashave në Korçë, ishte shkulur.
Pllaka u vendos në vitin 2011 me prezencën e shumë intelektualeve të mbarë vendit, me rastin e 120-vjetorit të çeljes së asaj shkolle, e cila konsiderohet si një nga simbolet e rilindjes kombëtare.
Godina ndodhet në qendër të qytetit, përballë monumentit të Themistokli Germenjit. Veç rikuperimit të menjëhershëm, problem mbetet dhe gjetja e autorëve të këtij akti për të cilët deri më tani nuk dihet asgjë. /tesheshi.com/
