Shkëndija e Tetovës është në prag të të bërit histori!
Ajo arriti që në ndeshjen e kthimit të përmbys humbjen e takimit të parë 2:1 në transfertë ndaj Trakait të Lituanisë, duke fituar pastër 3:0.
Të besuarit e trajnerit Qatip Osmani zhvilluan një ndeshje të përkryer në stadiumin “Mladost” në Strumicë, duke mos i lejuar kundërshtarit që të dërgojë ndonjë goditje brenda kuadratit të portës së Kostadin Zahov, i cili mbeti “i papunë”.
I pari i cili hapi rezultatin e ndeshjes ishte bomberi kërovar, Besart Ibrahimi me supergolin e shënuar nga distanca në minutën e 29-të. Ishte ky goli i pestë personal për Ibraimin këtë edicion të Liga Evropa, duke treguar edhe njëherë tjetër cilësitë e tij të larta.
Pa përfunduar pjesa e parë e ndeshjes, në mënyrë që të zmadhojë epërsinë në 2-0 u përkujdes kapiteni i ekipit, Ferhan Asani me një bombë të lëshuar nga gjuajtja e lirë në minutën e ‘43.
I njëjti futbollist ishte autor edhe i golit të tretë në minutën e ‘88.
Shkëndija, me këtë fitore arriti të siguron pjesëmarrjen ë fazën e “Play off” të Liga Europës.
Në rast se kalon edhe këtë fazë, Shkëndija do të bëjë historinë duke u bërë ekipi i parë nga Maqedonia me pjesëmarrje në fazën e grupeve në këtë kompeticion. /tesheshi.com/
