Jose Mourinho nuk ka përtuar fare t`i kthejë përgjigjen bashkëshortes së Rafa Benitezit e cila kishte thënë se burri i saj i rregullon problemet të cilat i shkakton Mou. Ndërkohë, trajneri portugez pas ndeshjes miqësore ndaj Barcelonës në një konferencë për shtyp i është kundërpërgjigjur kësaj akuze.
“Zonja duket sa ka një konfuzion. Në Chelsea ai ka zëvendësuar Di Mateon, në Real Madrid Ancelottin dhe jo mua. Kur më ka zëvendësuar në Inter, ka qëndruar vetëm gjashtë muaj pasi e ka shkatërruar komplet skuadrën. Duhet të merreni me gjëra të tjera në vend që të flisni për mua. Nëse kujdeset për dietën e burrit të vet nuk do të gjejë kohë të flasë për mua” është përgjigjur me ironi i vetëquajturi “I veçanti”.
Jose Mourinho është duke kryer përgatitjet e fundit me skaudrën e tij aktuale Chelsea para fillimit të sezonit. Deri më tani ka zhvilluar dy ndeshje në tokat amerikane dhe ka fituar dyjat në penalti ndaj Parisit dhe Barcelonës. /tesheshi.com/
