Pasi janë publikuar rezultatet përfundimtare të zgjedhjeve të parakohshme të 6 tetori, janë publikuar edhe votat e secilit kandidat për kryeministër të Kosovës.
Sipas të dhënave përfundimtare, kandidati i Vetëvendosjes, Albin Kurti ka marrë shumicën e votave, me plot 183 mijë e 868 sosh.
Vjosa Osmani, kandidate nga LDK ka marrë 176 mijë e 188 vota, ndërsa Kadri Veseli nga PDK, i cili është pajtuar të kaloj në opozitë, ka marrë 146 mijë e 763 vota.
Më pak se gjysma e gjithsecilit ka marrë edhe Ramush Haradinaj, kandidat nga AAK-ja, i cili për 2 vite shërbeu në postin e kryeministrit. Ai ka marrë 75 mijë e 917 vota.
Pas shpalljes së këtyre rezultateve pritet takim i radhës i grupeve punese të VV-së dhe LDK-së, të cilët si sfidë të parë e kanë dakordësimin për postin e kryeministrit. /tesheshi.com/
