Sheqeri, pse është e rëndësishme që ta zvogëlojmë në dietën tonë

Sheqerin e fajësojnë për shumë gjëra, duke filluar nga trashja deri te kanceri. Kur shikoni lajmet dhe lexoni artikujt, të gjithë ju rekomandojnë që është mirë të zvogëloni dhe të kufizoni futjen e sheqerit në organizëm. Por si dhe nga ku duhet të filloni?

Problemi është se shumica ushqimeve rreth nesh përmban një përqindje të caktuar të sheqerit, qofshin ato të “kripura”, e natyrisht të “ëmbla”. Por mos harroni, jo të gjitha sheqernat janë të këqija. Sheqeri i mirë është ai prej frutave. Në vend që konsumoni lëng të blerë portokalli, do ishte më mirë të hanit një portokall ose lëng të përgatitur. Sheqernat e mira janë ato që kryesisht mund të gjenden në ushqime të papërpunuara (ushqimi që është në formën e tij origjinale). Është e rëndësishme që as te këto ushqime të mos teprohet, pavarësisht se janë të shëndetshëm; kaloritë janë kalori dhe kjo është e rëndësishme që të mbahet mend.

Zgjidhja më e mirë është që ngadalë të fillojmë të largojmë nga dieta ushqimet e përpunuara që përmbajnë një përqindje të lartë sheqeri. Nëse shihni në paketim se sheqeri është në mesin e 3 përbërësve të parë, mos e bleni atë produkt. Pas një kohe, pa sheqer të përpunuar (pasi ta mundni veten tuaj dhe pasi të pastroni trupin nga kërkesa për gjëra të ëmbla), do të filloni të ndjeni shumë më mirë shije të ndryshme, dhe frutat si banania p.sh. do të kenë shije krejtësisht më ndryshe, një shije shumë më të ëmbël.

Një tjetër këshillë e dobishme e ekspertëve është që të shtohet një sasi e vogël kanelle në lëngje, e cila do të rrisë ëmbëlsinë natyrore të cilën e hamë dhe për të ndihmuar në transportimin e sheqerit në qelizat tona. /tesheshi.com/