Kuvendi i Madh Popullor i Turqisë (TBMM) është gati për të pritur deputetët e legjislaturës së 25-të.
Deputetët e rinj mund t’i marrin mandatet që sot dhe të bëjnë regjistrimin në Parlament. Sekretari i Përgjithshëm i Kuvendit turk, Irfan Neziroglu (İrfan Neziroğlu), në një deklaratë para mediave tha se Parlamenti është gati për të pritur deputetët e rinj.
Në fakt, edhe pse nga disa qarqe në Shqipëri por dhe në vendet e BE, Turqia anatemohet për probleme në demokraci, realisht institucionet demokratike të Republikës turke funksionojnë në mënyrën më perfekte.
Dëshmia ishin zgjedhjet e djeshme parlamentare. Rezultatet, nuk ka pasur nevojë që të jepen paralelisht nga institute apo organizata jo-qeveritare.
Ka qenë Komisioni Suprem Elektoral, një institucion kushtetues turk i krijuar në vitin 1960, i cili ka dhënë rezultatet në mënyrë rekord, edhe pse bëhet fjalë për një popull mbi 80 milionë banorë dhe një sasi shumë të madhe qendrash votimi. Të gjitha mediat me anë të një linku direkt me Komisionin Suprem Zgjedhor kanë dhënë rezultatet në kohë reale. Një i tillë ishte edhe në gjuhën shqipe, ku mund të informoheshe në kohë reale për gjithçka, madje rajon për rajon.
Ndërkohë sot pritet të mblidhet Parlamenti i ri ku deputetët e sapozgjedhur të bëjnë betimin dhe të zgjedhin strukturat e reja drejtuese. Qeveria pritet të zgjidhet nesër. Nuk bëhet fjalë për asnjë kontestim të rezultatit por vetëm komentim të tij, ku çdo parti ka festuar, gëzuar apo edhe komentuar.
Demokracia nis me institucionin e votës dhe Parlamentin. Turqia tregoi se është një demokraci funksionale pa asnjë handicap në këtë aspekt.
/tesheshi.com/
