Shën Pjetri pa sens i Edi Ramës

Dihet që si referencë morale, kryeministri Rama ka ish-gjyshen e ndjerë, të ëmën e të atit, një katolike e devotshme, e tillë dhe në rrethana ateizmi zyrtar. E ndërsa i biri, Kristaqi, është endur në ateizëm përgjatë komunizmit, i nipi jo, sipas rrëfimeve të vetë këtij të fundit. Rama beson në botën tjetër, sipas asaj që i ka thënë gjyshja. E tha këtë dhe në Opinion-in e së enjtes përballë Fevziut. Iu referua gjyshes kur tha, siç ajo i ka thënë, se kjo është një botë kalimtare drejt tjetrës, aty ku ka një llogari për të dhënë. Por bash këtu, ai dhe ata që e kanë dëgjuar, duhen sqaruar. Nuk ka asnjë dalje para Shën Pjetrit, siç Ramës ia ka thënë gjyshja. Në atë botë, vetë Pjetri, me shën apo pa shën, si çdo krijesë do dalë para Zotit, Krijuesit, për të dhënë llogari. Dhe është mirë që në këtë pikë, kyeministri dhe ata që e kanë dëgjuar të vetëdijësohen për një llogaridhënie të vështirë të çdo krijese para Krijuesit, ku do kenë para syve dhe atë çfarë kanë patur në gjokse e jo vetëm atë që kanë vepruar.

Kështu që dikush duhet t’ja thotë Ramës se ku telogjikisht ka çaluar gjyshja e tij. Patjetër që asaj gruaje i duhet njohur merita që nuk e ka lënë të nipin të bjerë në ateizëm, që e ka bindur për botën tjetër, që është përpjekur t’i plazmojë morale mbi jetën, por e ka lënë gjysmë të iluminuar te e vërteta e kulluar e asaj bote, kur për më tepër ka në finale Ferr/Parajsë të përjetshme, më saktë Xhehenem dhe Xhenet. Dhe kur të është dhënë pushtet mbi njerëzit, propabiliteti që të përfundosh në të parin është tejet i madh. Se tek e fundit, vetëm dija dhe vetëdija për Xhehenemin do i mjaftonte njeriut për të mos qenë pusht në këtë jetë, në të gjithë përmasën e kësaj fjale. /tesheshi.com/