Në një intervistë për rrjetin televiziv amerikan MSNBC, drejtoi i CIA-s, Mike Pompeo tha se Irani jo vetëm që është mbështetësi kryesor i terrozimit në botë, por kjo mbështetje ka ardhur duke u rritur gjatë viteve të shkuara. Sipas tij, ndikimi i Republikës Islamike në Lindjen e Mesme është “zgjeruar ndjeshëm” në gjashtë – shtatë vitet e fundit dhe ky ndikim së bashku me mbështetjen e terrorizmit e bën atë një kërcënim për sigurinë kombëtare të Shteteve të Bashkuara.
“Irani është tashmë i pranishëm në të gjithë lindjen e Mesme, qoftë përmes ndikimit të tij mbi qeverinë e Bagdadit, qoftë përmes ndikimit në rritje të Hisbullahut në Liban, qoftë përmes mbështetjes se huthitëve në Jemen, të shiitëve irakenë që luftojnë në kufi me Sirinë dhe, padyshim, të forcave Shiite të pëfshira në luftën e Sirisë”, u shpreh Pompeo.
Sipas kreut të CIA-s, për shkak të këtij ndikimi negativ, Irani po luan një “rol destruktiv” në rritje.
Situata e brishtë në Lindjen e Mesme i ka mundësuar Iranit të luajë një rol gjithnjë e më dominues, çka ka shkaktuar pakënaqësinë dhe shqetësimin e shteteve arabe të këtij rajoni. Ndërsa lindja e ISIS-it në Irak, i mundësoi Iranit që të fitojë ndikim të ndjeshëm nëpërmjet Njësive të Mobilizimit Popullor (arb: El Hashd Esh-Sha’bi) të cilat u krijuan si reagim ndaj ISIS, dhe që përbëhen më së shumti nga militantë shiitë. /tesheshi.com/
