Uashingtoni u bën thirrje prokurorëve shqiptarë që të aplikojnë për t’u bërë pjesë e SPAK-ut – Prokurorisë së Speciale në formim, e që përbën “qershinë mbi tortë” të Reformës në Drejtësi.
Në një mesazh nga Ambasada Amerikane në Tiranë, thuhet se “Shqipëria po krijon një sistem të ri drejtësie, bazuar tek pavarësia, profesionalizmi dhe integriteti. Prokurorët të cilët mishërojnë këto ideale i përgjigjen një thirrjeje për shërbim publik që është më e lartë sesa thjesht një vend pune. Ne iu bëjmë thirrje këtyre njerëzve me kurajo që të bëhen pjesë e të ardhmes së Shqipërisë duke aplikuar për të qenë anëtarë të SPAK”.
SPAK është instanca që pritet të hetojë e çojë para drejtësisë deri dhe emra të politikës, gjë që është ende tabu dhe gati e pamundur. /tesheshi.com/
